زيدان وعادل امام Zidan & Adel Imam

يلا 5 فرفشة بقى

Shania Twain

أنا مش عارف الكليب ده لشانيا تواين عدى عليا إزاى
بس هو تحفة




Lyrics:

From this moment life has begun
From this moment you are the one
Right beside you is where I belong
From this moment on

From this moment I have been blessed
I live only for your happiness
And for your love I'd give my last breath
From this moment on

I give my hand to you with all my heart
Can't wait to live my life with you, can't wait to start
You and I will never be apart
My dreams came true because of you

From this moment as long as I live
I will love you, I promise you this
There is nothing I wouldn't give
From this moment on

You're the reason I believe in love
And you're the answer to my prayers from up above
All we need is just the two of us
My dreams came true because of you

From this moment as long as I live
I will love you, I promise you this
There is nothing I wouldn't give
From this moment
I will love you as long as I live
From this moment on

أول تاج فى حياتى

على الرغم من إن مش طبعى الصراحة الشديدة ... إنما إتينا دبستنى


فى التاج ده و مضطر أجاوب عليه بصراحة


1- هل كنت طالب شاطر فى المدرسة ؟


أيام المدرسة كنت شاطر بشكل مستفز - لكن مع ذلك كنت تاعب ماما فى المذاكرة


ليه بقى ؟!؟ ....... ببساطة


لإنها كانت بتشوفنى بلعب طول السنة و تقول فى نفسها لما تيجى الأمتحانات و تسألنى فى المقرر


هتبان الفضايح وهتفش غليلها من لعبى و شقاوتى


و كانت المفاجأة إنى برد على كل الأسئلة


عشان انا كنت بركز فى الحصة تركيز شديد و كنت تقريبا بعرف كل حاجة بتتقال


و بعد كده برجع أعمل اللى أنا عايزه فى البيت بقى


و لكن ... هذا النظام المريع منفعش فى الكلية


لسبب أنا شرحته فى بوست قديم .. ممكن تقروه لو مهتمين بالتفاصيل


بس أنا بقى لا أبكى على اللبن المسكوب


و طبعا الحال ده لازم هيتصلح إن شاء الله



2- أحب مادة , أكره مادة ؟


حيث إنى بحب التفكير بشكل مفزع , فطبعا الرياضة و الفيزياء من أكتر المواد المحببة لقلبى


و فى الكلية , بحب الكومبيوتر و الإلكترونكس و الإمبيديد سيستم (جايز عشان بتربط بين الإتنين).. ..


حد فاهم حاجة ؟!؟



أما عن الكره ... فالعربى كان عقدة حياتى ...


يكفى إنى أقولكم إن أنا نقصت 20 درجة فى ثانوية عامة .. منهم 11 عربى ... بس كده


3-كنت عايز تطلع ايه وانت صغير ؟


كنت بقول لأهلى زمان انا عايز أطلع مخترع :D


و لكنهم أقنعونى بإن المخترع ده واحد خد اللقب ده لما عمل حاجة محدش عملها قبله


و إنه أصله مهندس أو عالم ... فأنا قلت لهم خلاص أنا عايز أبقى مهندس


والحمد لله طلعت مهندس

بقايا من حنان زائل

عمر حد فيكم حس إنه فى مشكلة عشان واحد غيره فى مشكلة ؟!؟

أو بمعنى أصح حس إنه متضايق عشان معرفش يحل مشكلة حد غيره ؟!؟

أنا النهارده كنت رايح الكلية .... و انا فى السكة , لقيت ست كبيرة فى السن كده قاعدة على الأرض , و حاطة إيدها على خدها و قدامها كرتونة بيض و كل البيض اللى فيها وقع على الأرض و إتكسر .... و بقيت مش عارف أعمل إيه ؟!؟ - كنت عايز أروح لها و أقولها معلش يا ستى و أدى تمن كرتونة تانية ...... مش جايز تكون الكرتونة دى أكل لولادها و لا أحفادها و لا حاجة

مع إنى أنا من بعد ما دخلت الجيش - فضلا عن حالة الفراغ العاطفى المرعب اللى أنا عايشه من زمان - قلبى نشف و بقيت قاسى لكن الصراحة كان شكلها يقطع القلب ... جايز كانت عايزة اللى يطبطب عليها و يقولها معلش ..يا ريتنى كنت روحت عنها شوية - جايز كان ربنا دخلنى الجنة فيها

و مرة برده كنت راكب أتوبيس , شفت ست كده (شابة يعنى) عماله تعيط ... و كنت مش عارف أعمل إيه , خفت أى تصرف يكون تدخل سئيل منى ... بس مجاش فى مخيلتى سبب يخلى واحدة تعيط فى الشارع - أكيد بقى مقهورة أو مصدومة - بس ساعتها فكرت فى إنها أكيد معندهاش اللى يحتويها بالقدر الكافى , و إلا مكانتش عيطت فى الشارع