Tuesday, July 11, 2006

Good Bye !!





أنا رايح الجيش بكره يا جماعة

أستودعكم الله الذى لا تضيع ودائعه

أشوف وشكم بخير إن شاء الله

posted by Ahmad El-Saeed at 7:56 pm 4 Comments

Tuesday, July 04, 2006

التجربة الجديدة


أنا رايح الجيش إن شاء الله ... كمان كام يوم كده

أنا لسه مش عارف أنا هتوزع فين و حتى مش عارف أول 45 يوم هقضيهم فين

أنا أصلا ترشيحى كعسكرى ده جه من عند الله أصلا

أنا كنت مترشح ضابط و قلت الحمد لله ... و ربنا بيقدم اللى فيه الخير

و الغريب بقى إن كل ما كان واحد يشوفنى , يواسينى ... و يقولى معلش يا باشا ... إن شاء الله خير

يا جماعة أنا مش زعلان ... أنا مؤمن بقضاء الله و بترتيبه .... لو ربنا قاسم الخير فى ضابط , أنا هاكون مبسوط بيها

فالناس تقولى : أه و نعم بالله .... بس برده عسكرى سنة و ضابط 3 و الكلام ده


و بعد ما إبتديت أحضر خطط للصيف ... و هتفسح فين و هعمل إيه و كل ده


مرة واحدة ربنا فرجها و نزلت عسكرى


و إبتديت أرتب حالى على هذا الأساس .. و كلها كام يوم و هترحل .... و هتتحرموا من طلعتى البهية 45 يوم بحالهم

أنا مبسوط إنى سبتها على الله .... و حاسس إن ربنا شايلى حاجة كويسة إن شاء

و جايز مايشائش .... بس برده أنا هرضى

و كل اللى هيجيبوا هرضى بيه

و هو قادر إنه يا إما يبتلينى و يصبرنى

يا إما يكرمنى و يخلينى أشكره

و فى الحالتين هشكره

إدعولى يا جماعة .... إدعوا إن ربنا يقدم لنا كلنا اللى فيه الخير ... و يرضينا بيه



posted by Ahmad El-Saeed at 1:42 am 6 Comments