Listen, Understand and Apply !!

"The Good Things to Those Who Wait"

Anthony Hopkins - The Silence of the Lambs Movie

Infinite Circle !!

أنا مخنوق قوى اليومين دول .... و مش راضى عن نفسى فى أى حاجة
إدعولى يا جماعة

ربنا يستر عليــــنااااا

أنا مش عارف الحقيقة أبتدى أكتب إيه .... هى الناس مابقتش طايقة نفسها ؟!؟ و لا هى الناس أساسا الناس مش طايقة بعضها ؟!؟

و لا أنا اللى غلطان ..... و لا انا اللى محقوق و لا إه بالضبط

يبدأ المشهد حوالى الساعة 12:30 اليوم ,,,, رحت مبنى ميكانيكا سيارات - و دى أول غلطة - و دخلت مكتب سكرتارية القسم ... و هى دى الطامة الكبرى - هى الغلطة الأساسية إنى نزلت من البيت النهارده أصلا

المهم , سلام عليكم , بعد إذنك - الكلام موجه لسيدة (ده على ما اظن يعنى) بعد إذنك عايز أسأل عن نتيجة تمهيدى ماجستير ميكانيكا سيارات
قالتلى قسم إيه ؟

قلتلها الحقيقة مش عارف أصلها مش ليا , بس انا معايا الإسم

قالتلى لا يا بشمهندس لازم تعرف التخصص , هو انا يعنى هبصلك فى كل التخصصات و لا إيه ؟!؟

قلتلها مش لازم تبصى حضرتك , أنا اللى هبص و على العموم الأسامى كلها قليلة عموما

قالتلى لا يا بشمهندس مينفعش .... - طبعا الكلام ده إتقال بزعيق و مش عارف السبب إيه , جايز كان قصدها تخوفنى و لا حاجة - و كل ده و أنا ساكت و مش عايز أرد كنوع من الأدب يعنى - بس للأسف لناس متستاهلش.

ففيه واحدة تانية فى الأوضة سامعة الحوار , فقالتلى خير يا بشمهندس , فقلتلها كذا كذا كذا

فقالتلى هو إسمه إيه ؟

فلسه برد عليها لقيت الأولانية طلعت كده : و إحنا هندورلوه فى التخصصات كلها و لا إيه ؟ ( يا شيخة و إنتى مالك , مش أنا بكلم واحدة تانية دلوقتى )

و هنا للأسف يا أصدقائى الأعزاء حصل حدث نادر و هو إنى إبتديت أفقد أعصابى

قمت طبعا طايح فى الست الأولانية دى , التانية قامت تتكلم قمت طايح فيها هى كمان

الأمر إنتهى إن الست الأولانية قالتلى : يا بشمهندس مفيش نتايج ( و طبعا لو كانت إكتفت بالقول ده , كان ممكن بسهولة أعملها مشاكل) عشان كده ضافت فى الأخر : إلا لما تعرف التخصص

قمت رايح عند أوضة شئون الخريجين , و عرفت النتيجة و كل حاجة ...

اللى كنت بفكر فيه و أنا راجع البيت بقى , إنى بحمد ربنا إن مفيش فى إيدى سلطة - حاليا يعنى - و إلا كنت بجد بجد أذيت الست جامد

و طول ما انا فى السكة كنت بفكر فى حتة فى الحدث أغلط نفسى فيها ... جايز انا اللى غلطان .. بس مش لاقى , فعلا انا مش عارف انا غلطت فى إيه

يا رب .... يا رب متحطش فى إيدى أى سلطة مؤذية يا رب .... مش عارف هعمل بيها إيه و البلد مليانة من النوعية دى كتيـــــر - و رجالة و ستات و أطفال - يـــــــــــــــــا رب إرحمنـــــــــــــــــــــــا