دور على الناس ... فى نفوس الناس
أحيانا لما بفكر , بلاقى ببساطة إن الإنسان مننا لا يمكن يعيش على وتيرة واحدة أبدا .... شيئ متعب جدا
حتى لو البنى أدم مبسوط على طول , هيحس إنه خايف من أى جديد يطرأ على حياته و هو ميعرفوش
يخاف من مواقف لو حصلت هيتصرف فيها إزاى ؟؟
......
اوقات كتير بحس إنى مرتاح و ساعتها مبسألش عن السبب
و أوقات تانية بريح نفسى بكلام لا يمكن كان يقنعنى لو كان حد قالهولى ... لازم أقوله أنا لنفسى , و بصوت عالى و مسموع كمان
و أوقات كتير بحس إنى مخنوق لإنى بحس إنى بدور على اللى يفهمنى و بيتهيألى كتيييير إنى مش هلاقيه
ساعات بحس إن المفروض هو كده و كده , و أرجع تانى يوم أفكر فيه تانى و ألاقيه إتغير
بييجى عليا وقت تانى بحس إنى مخننوووق ... فيه حاجز فظيع مليش قدرة إنى أتخطاه
و أوقات تانية بحس إنى مبسوط و مطمئن
.....................................................
مش عارف ليه سكة الراحة مش عايزة تيجى معايا , مع إنى حاسس إنى بسيط جدا فى حياتى و فى تفكيرى برده
لما جيت هنا - أيرلندا يعنى - كنت مبسوط من حاجات كتير بس برده إتخنقت من حاجات كتير
كان قبل كده بيتهيألى إنى لما أسمع المقطع بتاع رومانس لإلياس رحبانى أطير فى حالة من الرضا و تأخذنى نشوة الإرتياح
بس مش على طوول .... مفيش حاجة صح على طول الطريق
مفيش حاجة صح على طول الطريق
.......................................................
Labels: فضفضة
posted by Ahmad El-Saeed at
4:40 pm
1 Comments:
احمد
اكيد انت عارف ان دوام الحال من المحال
ويمكن ده من رحمة ربنا علينا
عشلن مفيش حد يفضل مبسوط علطول وحد تانى زعلان علطول
وليه تخاف من بكره واللى جاى
متفكرش فيه وتضيع النهاردة فى تفكير لبكره اللى لسه مجاش
وزى ما على الحجار بيقول
ونخاف من بكره ليه مين عارف بكره ايه
مفيش انسان مرتاح على فكرة .. كل حد عنده مشاكله اللى بيحس انها اكبر مشكلة فى الدنيا
المقطع بتاع الياس تحفة
بس مش لازم تكون مبسوط لما تسمعه
ساعات الواحد لما بيكون متلخبط كده الحاجات اللى بتريحه مش دايما بتعرف تبسطه فى الوقت ده
بس عندك حق مفيش حاجة صح على طول الطريق لان مفيش حاجة ثابتة .. هى دى الدنيا
مش ثابت غير اللى من الخالق سبحانه وتعالى
دمت بكل خير وسعادة
Post a Comment
Subscribe to Post Comments [Atom]
<< Home