من زوايـــا بعــيــــدة
مش عارف الصراحة أبتدى منين بالظبط ....
هو من ساعة ما إتخرجت و فيه أحداث كتير حصلت .. أو حتى من قبل ما أتخرج بحاجة بسيطة ......
و الأحداث دى دفعتنى للتفكير شوية .... فى إيه السبب فيها و إيه الحل لها ....
تعالوا نسافر بعيد شوية (بمش بعيد قوى يعنى ) لسنة 2001 .... يعنى لما كنت فى سنة أولى ...
أنا بصيت لقيت نفسى فى كلية الهندسة , قسم إلكترونيات و إتصالات
إيه اللى جابنى هنا ؟!! - إنى جبت مجموع كويس فى الثانوية العامة و أنا علمى رياضة
طب ماشى ... هنعمل إيه بقى ؟!! - هنتعلم إلكترونيات و إتصالآت
طب يالا ... و إبتدينا
أنا بفى عندى مشكلة فظيعة ... إنى لما دكتور بيقولى حاجة , كنت بقول معقول هو ده اللى بيحصل
هى دى الدواير اللى بتتعمل فى الحقيقة .... أكيد الدواير أعقد من كده
و كنت ببص للكلام ده إن الدكاترة بتستهبلنا ... و يا نفهم يا مانفهمش ... بس مش دى مشكلتنا دلوقتى
المشكلة إنى كنت باخد الكلام ده و أصدقه و أخلص
و ما بفكرش في مدى صحة الكلام بفى
و طبعا أكيد ما إتعلمناش إن إحنا نحاول نبدع و نحاول نحسن الدواير دى و نجربها مثلا
أو نحاول نطور منها تطبيق مثلا
كل ده مع عدم إلتزام منى
أدى لنتايج مروعة
تقديرات زفت ... نجاح بالعافية ... و أنا محتار مش فاهم فيه إيه
و أنا دلوقتى لما بحتك بحاجات فى الشغل و أفكر بتتعمل إزاى , ألاقى الموضوع بيتعمل زى ما كنا بندرس زمان
و بحتاج للحاجات اللى أنا درستها فى الكلية
أفتح الكتب .... أعمل إستنتاج بإيدى ... أحل مسائل عشان أفهم
و أبقى فاهم إيه لزمة الموضوع قبل ما أفكر أحله
و أبقى حاطط إيدى على المشكلة ... و أبقى مستوعب أبعادها قبل ما تتوصف على الورق
و اللذيذ بقى إنى إبتديت أوصل لنتايج بديهية فعلا و بسيطة لدرجة الواحد إبتدى يعيد تفكير فى حاجات أبسط
هى موجودة ليه ... و لزمتها إيه
و إتعلمت إن زى ما إبتديت أبص لحاجات فى الدراسة و الشغل من زوايا مختلفة
إنى أبص للحياة كده برده
أوقات من زوايا قريبة
و أوقات تانية ...
من زوايا بعيدة
و لنا نظرة أخرى للحياة ... قريبا إن شاء الله
posted by Ahmad El-Saeed at
6:33 pm
4 Comments:
يعنى مثلاً كنت الأول بتشوف الحياة من الجنوب ودلوقى بتشوفها من الشمال مثلاً
..
للأسف الحياة هى الحياة بس احنا اللى نظرنا قاصر .
انت مش عمل مدونة .. اما خليتك تقفلها تانى ..
ثواني بي عشان أفهم
يعني الواحد يبتدي يفهم بعد لما يتخرج؟
أنا في كليةالعلوم و تقريبا مفيش حاجة عندنا للفهم
... facts كله
النظام التعليمي في العالم العربي مشابه للأنظمة القائمة. هم يملكون الحقائق المطلقة.
وبالمناسبة أنا خريج نفس الاختصاص بتاعك
;)
فوزية :
إنتى تايهة يا شاطرة و لا إيه ؟
:p
Still Breathing:
الفهم ممكن يكون فى الكلية نفسها لو طريقى التدريس إتعدلت عشان الناس تفهم و تستوعب ... مش عشان يخرجوا أكبر كم ممكن و يقللوا العدد
أنا مش عارف بالنسبة لعلوم إيه الحال ... أنا هنا بتكلم عن هندسة
Hilal Chouman :
نورت البلوج فى أول زيارة ليك
تصدق أنا قعدت أقرا كلامك بتاع عشر مرات مثلا عشان أفهمه ... أحييك على الرأى ده بشدة , حقيقى مش عارف إنت فكرت فيه إزاى
أتمنى سماع المزيد من أرائك
Post a Comment
Subscribe to Post Comments [Atom]
<< Home